“Desək ki, Foqtsun gedişi ilə hər şey yaxşı olacaq, yalan olar”

“Qısa zaman ərzində millidə köklü dəyişikliklər etmək qeyri-mümkündür. İndi desək ki Foqts getdi, hər şey yaxşı olacaq, yalan olar”. Futbolxeber.az saytına verdiyi açıqlamada bu sözləri millimizin sabiq üzvü, “Xəzər Lənkəran”ın qapıçısı Cahangir Həsənzadə deyib.

Sabah milli komandamız Avro-2016-nın seçmə mərhələsi çərçivəsində Norveçlə qarşılaşacaq. Həsənzadə qarşılaşma haqda bunları deyib: “Foqtsun gedişindən sonra milli Mahmud Qurbanova tapşırılıb. Hazırda komandamız yaxşı vəziyyətdə deyil. Tsiklə ardıcəıl 3 yenilgi ilə başlamışıq. Bu dəfə komanda öz meydanında oynayır. Doğma meydanda artıq 1 oyunda uduzmuşuq. Ona görə də bu dəfə mütləq xal qazanmaq lazımdı. Amma futbolda qabaqcadan nəticə haqda danışmaq olmur. Sadəcə meydana çıxıb, fədakarlıq göstərmək lazımdır. İnanıram ki, millimiz bu dəfə azarkeşlərini sevindirəcək”.