“Araz Naxçıvan” çempionatda çıxışını davam etdirəcək, amma...

“Araz Naxçıvan” çempionatdakı çıxışını davam etdirəcək. Futbolxeber.az-ın məlumatına görə, Naxçıvan təmsilçisinin Premyer Liqadan çəkilməyəcəyi dəqiqdir. Sadəcə, hazırda 3 ehtimal var.

Birinci ehtimal odur ki, komanda əvvəlki heyətlə çıxışını davam etdirəcək.

İkinci ehtimal ondan ibarətdir ki, komanda bir çox aparıcı futbolçuları ilə vidalaşacaq. Əvəzedici heyətlə çempionatdakı çıxışını davam etdirəcək. Bu halda U-19 komandası da əvəzedicilərin çempionatında mübarizə aparacaq.

Sonuncu ehtimal isə komandanın Bakıya “köçməsidir”. Mümkündür ki, “Araz Naxçıvan” paytaxtda məskunlaşsın və ev oyunlarını da burada keçirsin.