“Xəzər Lənkəran” “İnter” oyunun hazırlıqlarına başlayır

Milli komandaların toplanışı ilə bağlı ölkə çempionatında yaranan  fasilə müddətində “Xəzər Lənkəran” hazırlıq planının ikinci mərhələsinə  start verir. Futbolxeber.az-ın klubun rəsmi saytına istinadən verdiyi məlumata görə, “Xəzər Lənkəran” ilk  mərhələdə bir həftəlik toplanışı AZAL klubu ilə keçirilən yoxlama matçı ilə yekunlaşdırmışdı ki, bir gün verilən istirahətdən sonra  komandamız  yenidən bir araya gəlir.

Yenidən paytaxtda toplaşacaq komanda artıq bu gündən XII turun hazırlığına başlayacaq. Saat 15.30-da “Dalğa Arena”da məşqə  çıxacaq komanda “İnter”lə oyunun hazırlığını sona qədər adıçəkilən arenada davam etdirəcək. Bu arada zədəli futbolçuların müalicəsi xüsusi prosedur üzrə davam etdirilir. Adrian Skarlatake və Ağabala Ramazanovun qarşıdakı matçı buraxacağı dəqiq olsa da, Alfred Sanko və Cahangir Həsənzadə “İnter” matçında komandaya kömək edə biləcək.