Aslan Kərimov: “Norveçlə oyunda bütün komanda ilə müdafiə olunmayacağıq”

“5-6 gün ərzində millidə böyük dəyişikliklər etmək düzgün olmazdı. Odur ki, U-21-lə görüşdə əsasən 1-2 düşünülmüş gediş üzərində çalışdıq. Bu səbəbdən də yoxlama oyunu bizim üçün vacib idi”. Futbolxeber.az saytına verdiyi açıqlamada bu sözləri milli komandamızın məşqçisi Aslan Kərimov deyib.

U-21-ə qarşı baş tutan oyundan sonra sualları cavablandıran A.Kərimov Avro-2016-nın seçmə mərhələsi çərçivəsində Norveçə qarşı baş tutacaq görüşlə bağlı bunları söyləyib: “Norveçlə oyunda bütün komanda ilə müdafiə olunmayacağıq. Tamamilə hücum futbolu sərgiləyəcəyimizi də söyləmək olmaz. Bu ikisi arasında balans yaratmağa çalışacağıq. Evdə oynayırıq. Ona görə də yaxşı oyun sərgiləməyə çalışacağıq”.