Oğuz Çətin: “Qarabağ” qalib gələcək”

“Qurban Qurbanovu və oyunçularını alqışlamaq lazımdır. Bu gün Azərbaycan futbolunu dünyada, Avropada yaxşı səviyyədə tanıdan bir klubdur. Həm çox yaxşı oynayırlar,həm də qalib gəlməyi bacarırlar”. Futbolxeber.az-ın məlumatına görə, bu sözləri Qol.Az saytının müxbiri ilə söhbətində “Xəzər Lənkəran”ın baş məşqçisi Oğuz Çətin deyib.

Bu gün keçiriləcək Avroliqanın qrup mərhələsinin “Qarabağ” - “Dnepr” oyunu barədə də fikirlərini açıqlayan Oğuz Çətin bildirib: “İlk matçda “Dnepr”i səfərdə məğlum etməklə yaxşı şans əldə etdilər. “Qarabağ”ın qələbə qazanacağını düşünürəm. Növbəti oyunda “Sent-Etyen”dən alacaqları bir xal qrupdan cıxmalarını təmin edəcək. Ona görə bu oyun çox önəmlidir”.