“Norveçlə oyun Foqtsun gedişindən sonra millidə dəyişiklik olub-olmadığını göstərəcək”

“Həm “Dnepr”lə, həm də Norveçlə oyun bizim üçün çox vacibdir. Hər iki qarşılaşmada azarkeşlərimizi sevindirməliyik”. Futbolxeber.az saytına verdiyi açıqlamada bu sözləri “Qarabağ”ın və millimizin üzvü Vüqar Nadirov deyib.

Nadirov Norveçlə oyunda uğur qazanmaq istədiklərini bildirib: “Seçmə mərhələyə uğursuz başladıq. Amma bu dəfə uğur qazanmaq istəyirik. Öz meydanımızda oynayırıq və Norveçi məğlub etməyə çalışacağıq. Berti Foqtsun gedişindən sonra millidə dəyişiklik olub-olmadığını Norveçlə oyun göstərəcək”.