“Xəzər Lənkəran” Bakıda bir araya gələcək

Dünən Premyer Liqanın 11-ci turu çərçivəsində “Simurq”u məğlub edən “Xəzər Lənkəran” istirahətə yollanıb. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib: “Komandaya 2 günlük istirahət verilib. “Xəzər Lənkəran” ayın 5-i Bakıda bir araya gələcək. Məşqlər “Dalğa Arena”da keçiriləcək. Daha əvvəl komandamız İdman Akademiyasının stadionunda məşq edirdi. Amma bu dəfə “Dalğa Arena”da hazırlıq keçəcəyik. Hələlik yoxlama görüşünün keçirilməsi nəzərdə tutulmayıb. Istər komandanın legioner üzvləri, istərsə də baş məşqçi qısa fasilə müddətində Azərbaycanda qalacaq”.