“Neftçi”ni Çempionlar Liqasından uzaqlaşdıran hakim “Qarabağ” - “Dnepr” oyununda

Avroliqanın qrup mərhələsinin dördüncü turu çərçivəsində keçiriləcək “Qarabağ” - “Dnerp” matçını polşalı hakim Pavel Gil idarə edəcək. Futbolxeber.az-ın məlumatına görə, bu referi azərbaycanlı futbolsevərlərə tanışdır. O, ötən mövsüm Çempionlar Liqasının ikinci təsnifat mərhələsinin cavab görüşü çərçivəsində keçirilən “Skenderbeu” - “Neftçi” matçını idarə edib. Həmin görüşdə Albaniya çempionu 116-cı dəqiqədə vurduğu qolla mərhələ adlamışdı. “Neftçi”nin yenilgisində polşalı hakimin “Neftçi”nin müdafiəçisi İqor Mitreskini meydandan qovmasının da az rolu olmamışdı.

Gili ukraynalılar üçün uğurlu hakim hesab etmək olar. Onun idarə etdiyi oyunlarda Ukrayna klubları avrokuboklarda 2 dəfə qələbə qazanıblar, 1 dəfə heç-heçə ediblər.