“1 sualı 3 dəfə tərcümə etməliyəm?”

“İnter”in mətbuat xidmətinin rəhbəri Səbuhi Məmmədov “Qarabağ”a qarşı keçirilən oyundan sonra mətbuat konfransında yaşanan insidentə münasibət bildirib. Klub rəsmisi Futbolxeber.az saytına verdiyi açıqlamada deyib: “Kaxaber Tsxadadzeyə eynitipli suallar 3 dəfə ardıcıl verildi. Hər şey də elə bundan başladı. Mən 1 sualı 3 dəfə tərcümə etməliyəm? Əslində, bu haqda çox danışmaq istəmirəm. Yalnız onu deyim ki, neçə illərdir klubda çalışıram. Bu günə kimi heç bir jurnalistə qarşı hörmətsizlik etməmişəm. Amma bəziləri adi etik qaydaları belə bilmirlər”.