Vaqif Sadıqov: “Neftçi”yə qəsdən uduzmuşdularsa, bunu vaxtında deyərdi”

“O, kimdi ki? Mən heç onu tanımıram da. Sözün dəyəri o vaxt olur ki, onu zamanında deyirsən”. Futbolxeber.az-ın məlumatına görə, Sportpress.az saytına verdiyi açıqlamada bu sözləri “Neftçi”nin sabiq baş məşqçisi Vaqif Sadıqov deyib.

“Turan”ın sabiq futbolçusu Valeri Onile Moldova mətbuatına müsahibəsində 2009-cu ildə “Neftçi”yə qəsdən, Tovuz klubunun baş məşqçisinin göstərişi əsasında uduzduqlarını deyib. Həmin vaxt “Neftçi”nin baş məşqçisi olan Sadıqov isə deyilənləri qəbul etmir: “Belə bir iş var idisə, onda danışardı. O vaxt “Neftçi”də baş məşqçi olmuşam və deyilənlərdən xəbərim yoxdu. Bunlar hamısı böhtan, yalandı. Indi Azərbaycanda vaxtı ilə oynamış hər legioner öz ölkəsində nəsə danışacaqsa, biz burda onun dediklərini müzakirə etməliyik? Sözü var idi, onda deyərdi”.