“Sərt danışıb, cəzalanmışam, burada nə var ki?”

“Məncə, iki fərqli hissə oldu. Uduzsaq belə, komandamdan razıyam”. Futbolxeber.az-ın məlumatına görə, bu sözləri “Sumqayıt"ın baş məşqçisi Aqil Məmmədov deyib.

O, bəxtlərinin gətirmədiyini qeyd edib: “Bəxtimiz gətirmədi. Futbolda belə hallar mümkündür. Biz məğlubiyyətə layiq deyildik. Bütün bunlara rəğmən, “Xəzər Lənkəran”ı təbrik edirəm. “Qəbələ” ilə oyundan sonra sərt danışıb, cəzalanmışam. Burada nə var ki? Mən sözümü orada dedim. İndi nəsə münasibət bildirmək istəmirəm. Komandamızda hücumçu problemi var. Təkcə Məhəmməd Qurbanov ümidləri doğruldur. Mən ona güvənirəm”.