Arif Əsədov: “Oyundan qabaq futbolçularıma tapşırmışdım ki...”

“Neftçi”nin baş məşqçisi Arif Əsədov Premyer Liqanın 10-cu turunda “Bakı”nı 3:1 hesabı ilə məğlub etdikləri oyun barədə danışıb. Futbolxeber.az-ın məlumatına görə, Əsədov rəqibə ciddi yanaşdıqlarını bildirib: “Oyundan qabaq futbolçularıma tapşırmışdım ki, hər bir komandaya  ciddi yanaşsınlar. Bundan öncəki turda AZAL meydançaya rahat çıxmışdı. Bundan istifadə edən “Bakı” qələbə qazanmışdı. Odur ki, oyunda diqqətli olmalı idik. 3:1 hesabı ilə qələbə qazansaq da, oyun çətin keçdi. Buna baxmayaraq, 3 xal qazana bildik. Oyunçularımı, azarkeşləri təbrik edirəm”.