Azərbaycan klubu problemlər içində boğulur

Azərbaycanda daha bir klub ciddi problemlər yaşayır. Futbolxeber.az-ın məlumatına görə, I divizionda mübarizə aparan Mingəçevirin “Energetik” klubu böyük çətinliklərlə üz-üzədir. Komandada çıxış edən futbolçuların aylıq əmək haqqısı 100 manatdır. Hətta 50, 60 manat alan da var. Halbuki “Energetik”ə “Azərenerji”nin sponsorluq etdiyi deyilir. Amma bu sponsorluq yalnız sözdədir.

Bundan başqa, komandaya məşq etmək üçün şərait yaradılmır. Futbolçular Yaşar Məmmədzadə adına stadionun qazonuna yalnız oyundan-oyuna ayaq basırlar. Başqa günlər isə komanda torpaq meydançada məşq etmək məcburiyyətindədir.

Vəziyyət qısa zaman ərzində düzəlməsə, bu gedişlə “Energetik” də tarixin yaddaşına köçəcək...