“Görünür “Bakı”nın uğurlu çıxışı kimlərəsə sərf etmir...

“Bakı” klubu bu gün mətbuatda komandada maliyyə probleminə görə narazılıq yarandığı, futbolçuların “Neftçi” ilə oyuna çıxmaq istəmədikləri haqda yayılan xəbərlərə rəsmi şəkildə münasibət bildirib. Klubun mətbuat xidmətinin rəhbəri İsgəndər İsgəndərov Futbolxeber.az saytına verdiyi açıqlamada yayılan xəbərləri təkzib edib: “Futbolçuların “Neftçi” ilə oyuna çıxmaq istəmədikləri haqda yayılan xəbərlər əsassızdır. Komandanın maliyyə problemi daha əvvəl müzakirə olunub və futbolçular da Hafiz Məmmədova söz veriblər ki, yanvara kimi komandanın uğurlu çıxışı üçün əllərindən gələni edəcəklər. Bu gün də komanda oyunöncəsi son məşqini keçib. Sabahkı oyuna tam hazırıq. Son turlarda “Bakı” inamlı çıxışı ilə seçilir. Komandamız son 4 oyundan 3-də qələbə qazanıb. Görünür, uğurlu çıxışımız kimlərəsə sərf etmir və “Neftçi” ilə oyundan əvvəl bu cür söhbətlər ortaya atılır”.