Hafiz Məmmədov: “Jaba “Bakı” üçün çox vacib oyunçudur” EKSKLÜZİV

Xəbər verdiyimiz kimi, yenidən “Bakı”ya qayıdan Jaba bu gün klub prezidenti Hafiz Məmmədovla görüşərək, 1 illik rəsmi müqaviləyə imza atıb. Futbolxeber.az-ın məlumatına görə, görüş zamanı Hafiz Məmmədov yenidən Jabanı “Bakı”da görməkdən məmnun olduğunu bildirib. Klub prezidenti vurğulayıb ki, Jaba “Bakı” üçün çox vacib oyunçudur. Gənc futbolçular ondan çox şey öyrənə bilərlər.

Öz növbəsində Jaba da göstərilən etimada görə Hafiz Məmmədova minnətdarlıq edib. Yenidən “Bakı”ya qoşulduğu üçün xoşbəxt olduğunu qeyd edən braziliyalı forvard, klub üçün öz təcrübə və bacarığını əsirgməyəcəyini bildirib. Sonda isə Jaba əlavə edib ki, burada özünü əla hiss edir: “Sanki yenidən öz evimə qayıtmışam”.