“Qarabağ” “Neftçi” ilə oyunun hazırlığına başladı

“Qarabağ” məşqlərə başlayıb. Futbolxeber.az-ın klubun rəsmi saytına istinadən verdiyi məlumata görə, Premyer Liqanın VII turunda “Neftçi”ylə qarşılaşacaq Ağdam təmsilçisi hazırlıqlara start verib. Komandanın baş məşqçisi Qurban Qurbanov “Simurq”la baş tutan sonuncu oyundan sonra dünən komandaya istirahət vermişdi. Bu günə “Qarabağ”ın bir məşqi nəzərdə tutulub. Komanda 18:30-da günün yeganə çalışmasına çıxacaq.

Qeyd edək ki, “Neftçi” - “Qarabağ” oyunu sentybarın 27-si saat 16:00-da Bakıxanovda, İsmət Qayıbov adına stadionda baş tutacaq.