Mikael Silvestr: “Bu, Azərbaycan futbolunun inkişafı üçün yaxşı haldır”

“Mançester Yunayted”in Bakıda məktəbinin açılışı münasibəti ilə tədbirdə iştirak etdiyim üçün çox məmnunam. Bu məktəb gənc istedadlar üçün əla şansdır”. Futbolxeber.az-ın məlumatına görə, bu sözləri “Mançester Yunayted”in sabiq futbolçusu, hazırda Bakıda olan Mikael Silvestr deyib.

Veteran futbolçu Azərbaycan futbolunda gedən inkişafdan xəbərdar olduğunu qeyd edib: “Azərbaycanlı gənclər burada gələcəyin böyük futbolçuları kimi yetişə bilərlər. Bundan başqa, Azərbaycanda böyük futbol tədbirlərinin keçirilməsindən də xəbərdaram. Bu, ölkə futbolunun inkişafı üçün yaxşı haldır. Azərbaycan bizim gözümüzdə günü-gündən inkişaf edən ölkədir. Ölkə futbolunun gələcək inkişafında uşaqların böyük rolu olacaq. Onlara demək istəyirəm ki, meydanda uğur qazansanız, digər sahələrdə də qalib olacaqsınız.