“Xəzər Lənkəran” “Qəbələ” ilə oyuna Bakıda hazırlaşacaq

Son turda “Araz Naxçıvan”ı məğlub edən “Xəzər-Lənkəran”ın üzvləri bu gün istirahət edirlər. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib: “Komanda bu gün istirahətdədir. Sabah “Xəzər Lənkəran” Bakıda bir araya gələcək. 16:00-da komanda toplaşacaq və “Qəbələ” ilə oyunun hazırlığına start veriləcək. Qarşıdakı oyuna hazırlıqlar paytaxtda baş tutacaq. Böyük ehtimalla, ADBTİA-nın stadionunda məşq edəcəyik. Oyundan 1 gün əvvəl isə komanda Qəbələyə yola düşəcək”.