“Buradan ayrılsam da, “Bakı” daim qəlbimdə qalacaq”

Müqaviləsi başa çatdığına görə “Bakı”dan ayrılan serb fizioterapevt Radişa Milosavlieviç gedişini şərh edib. Futbolxeber.az saytına verdiyi açıqlamada o, müəyyən müddət “Bakı”da çalışmaqdan məmnun qaldığını bildirib: “Çox şadam ki, “Bakı” kimi klubda çalışdım. Bu vaxt ərzində klub mənim üçün doğma ailəyə çevrildi. Ümid edirəm ki, “Bakı”da olan problemlər tezliklə bitəcək və komanda öz layiqli yerini tutacaq. Klubun rəhbərliyinə, azarkeşlərə və əməkdaşlara öz minnətdarlığımı bildirirəm. Buradan ayrılsam da, “Bakı” daim qəlbimdə qalacaq”.