"Ardıcıl qələbələr qazanmalıyıq”

“Sözü çox uzatmaq niyyətim yoxdur. Mənim oyunçularım qol zamanı stressdə olurdular. Bu gün isə hər şeydən razı qaldım”. Futbolxeber.az-ın məlumatına görə, bu sözləri “Araz Naxçıvan”la oyundan sonra “Xəzər Lənkəran”ın baş məşqçisi Oğuz Çətin deyib.

Türkiyəli mütəxəssis komandasının ardıcıl qələbələr qazanmalı olduğunu bildirib: “Biz qol vurmaq problemini tamamilə həll etdikdən sonra istənilən rəqibi məğlub edə bilərik. Bu gün rəqibə heç bir şans vermədik. Qol bir az gec vurulsa da, əsas qələbədir. Əgər qolu erkən vursaydıq, hesab daha fərqli olardı. Biz ardıcıl olaraq, qələbələr qazanmalıyıq”.