Arda Turan: "Burası mənim öz doğma yurdumdur"

“Azərbaycanda olmaqdan çox məmnunam. Burada özümü evimdəki kimi hiss edirəm. Məni belə isti qarşıladığına görə minnətdaram”. Futbolxeber.az-ın məlumatına görə, bu sözləri "Atletiko”nun türkiyəli futbolçusu Arda Turan bu gün Bakıda keçirilən mətbuat konfransında deyib. O, “Bakı”nın bazasında keçirilən tədbirdən gördüyü xoş münasibətdən ağızdolusu danışıb: “Formamızın üzərində Azərbaycan sözü yazılmağı məni məmnun edir. Hər halda, biz bir millət iki dövlətik. Bu layihəni həyata keçirilməyi böyük əməyi olan “Bakı”nın prezidenti Hafiz Məmmədova böyük minnətdarlığımı bildirirəm. Burası mənim öz doğma yurdumdur. Fürsətdən istifadə edib, “Fənərbaxça”ya da uğurlar arzulayıram. Türkiyə klubunun finala çıxmağını arzu edirəm”