“Bakı” tarixinin ən ağır məğlubiyyətini aldı

Azərbaycan Premyer Liqasının altıncı turunun açılış oyununda “Bakı” “İnter”ə 0:7 hesabı ilə uduzub. Futbolxeber.az-ın məlumatına görə, bu, “zolaqlılar”ın tarixindəki ən ağır yenilgidir. Komanda “Dinamo” adını “Bakı”ya dəyişdikdən sonra, 2004-cü ildən etibarən heç vaxt 1 oyunda qapısında bu qədər top görməmişdi. Buna kimi komanda ən ağır yenilgisini “Bazel”dən almışdı. 2010-cu ildə Avroliqanın play-off mərhələsində “zolaqlılar” İsveçrə təmsilçisinə səfərdə 1:5 hesabı ilə uduzmuşdu.