AVRO-2020-nin 4 oyunu Bakıda!

Bu gün UEFA AVRO-2020-nin oyunlarını qəbul edəcək 13 şəhərin adını açıqlayıb. Futbolxeber.az-ın məlumatına görə, mərasim İsveçrənin Cenevrə şəhərində baş tutub. Bakı da daxil olmaqla qitənin 19 müxtəlif şəhəri 6 il sonra baş tutacaq AVRO-2020-nin oyunlarını qəbul etməyə namizəd idi. Paytaxtımızın rəqibləri London (İngiltərə), Qlazqo (Şotlandiya), Dublin (İrlandiya), Kardiff (Uels), Sankt-Peterburq (Rusiya), Stokholm (İsveç), Minsk (Belarus), Kopenhagen (Danimarka), Münhen (Almaniya), Roma (İtaliya), Brüssel (Belçika), Bilbao (İspaniya), Amsterdam (Hollandiya), Budapeşt (Macarıstan), Buxarest (Rumıniya), Skopye (Makedoniya), Sofiya (Bolqarıstan) və Yerusəlim (İsrail) idi.

Yekunda UEFA Bakının lehinə qərar qəbul edib. Belə ki, paytaxtımıza qrup mərhələsinin 3, 1/4 final mərhələsinin isə 1 oyunu keçiriləcək.

Qeyd edək ki, AFFA-nı mərasimdə qurumun prezidenti Rövnəq Abdullayev, vitse-prezident  Elşad Nəsirov, baş katib Elxan Məmmədov, futbol veteranı, AFFA-nın İcraiyyə Komitəsinin üzvü İskəndər Cavadov, futbol veteranı, 1988-ci il Olimpiya çempionu İqor Ponomaryov, AFFA-nın Apellyasiya və Ekspert Komitəsinin sədri, Milli Məclisin deputatı Muxtar Babayev, milli komandamızın baş məşqçisi Berti Foqts və başqaları təmsil edib.