“Bakı”da klubdaxili toplantı: futbolçular söz verdilər! EKSKLÜZİV

 “Bakı”da klubdaxili toplantı keçirilib. Bu haqda Futbolxeber.az saytına klubun mətbuat xidmətinin rəhbəri İsgəndər İsgəndərov məlumat verib: “Bəli, bu gün toplantı baş tutub. İclasda klub rəhbərliyindən yalnız icraçı direktor Yaşar Seyidov iştirak edirdi. Eləcə də futbolçular və məşqçilər heyəti toplantıdaydı. Xeyli müzakirələr aparıldı. Seyidov klub prezidenti Hafiz Məmmədovun adından futbolçulara bildirdi ki, tezliklə komandanın bütün problemləri həll olunacaq. Bir qədər zamana ehtiyac var. Yaşar bəy vurğuladı ki, futbolçuların durumunu, narazılıqlarını başa düşür və tezliklə bütün problemlər geridə qalacaq. Komanda çıxdığı bu yolu axıra qədər getməlidir. Geri çəkilmək olmaz. “Bakı” çempionatda çıxışını dayandıra bilməz. Futbolçular da öz növbələrində rəhbərliyə inandıqlarını, sona kimi çətin duruma dözəcəklərini bildirdilər. Söz verildi ki, komandanın oyunlara çıxmamasından söhbət gedə bilməz. Biz də əlimizdən gələni edirik. İnanırıq ki, tezliklə vəziyyət düzələcək. Yükümüz ağır olsa da, sona kimi dözəcəyik”.