“Sent-Etyen”in baş məşqçisi: “Qrupdan çıxmaq üçün yaxşı şansımız var”

Avroliqanın qrup mərhələsinin ilk turunda “Qarabağ”ın rəqibi olan “Sent-Etyen” klubunun baş məşqçisi Kristof Qaltye komandasının turnirdəki perspektivi haqda danışıb. Futbolxeber.az-ın məlumatına görə, 48 yaşlı mütəxəssis komandasının qrupdan çıxacağına inandığını bildirib: “Qrupdan çıxmaq üçün yaxşı şansımız var. Əgər belə olmasaydı, azarkeşlərimizə bilet almalarını məsləhət görməzdim. Fanatlarımızın bizi dəstəkləyəcəyinə inanıram. Çünki "Karabükspor"la görüşdə onlar baxımlı oyunumuzun şahidi oldular.  Futbolçularıma güvənirəm. Avroliqada mümkün qədər irəliləmək istəyirik. Bu turnir bizim üçün Çempionlar Liqasıdır".