Foqts: “Mətbuat nümayəndələrindən bunu unutmağı xahiş edirəm”

Milli komandamızın baş məşqçisi Berti Foqts Bolqarıstanla oyundan sonra mətbuat konfransında baş verən insidentə aydınlıq gətirib. Futbolxeber.az-ın məlumatına görə, alman mütəxəssis AFFA-nın rəsmi saytına verdiyi açıqlamada jurnalistlərdən insidenti unutmağı xahiş edib: “Mətbuat konfransında baş verən hadisəyə də aydınlıq gətirmək istərdim. Məğlubiyyətə görə hər birimiz emosional və həyəcanlı idik. Mətbuat nümayəndələrindən bunu unutmağı xahiş edirəm. Jurnalist dostlarımdan bir ricam da var ki oyunun təhlili zamanı təkcə bir futbolçunun deyil, ümumilikdə bütün komandanın, hər bir futbolçunun çıxışını diqqət mərkəzində saxlayaq".