“Sent-Etyen”in məşqçisi Bakıya gəlir

Avropa Liqasının qrup mərhələsində “Qarabağ”ın rəqibi olan Fransanın “Sent-Etyen” klubu öz nümayəndəsini Bakıya göndərir. Futbolxeber.az-ın məlumatına görə, bu haqda qol.az-a Ağdam klubunun mətbuat xidmətinin rəhbəri Nurlan İbrahimov açıqlama verib.

Bildirilib ki, Fransa təmsilçisinin məşqçisi Alen Blanchon Azərbaycan Premyer Liqasında “Qarabağ”ın AZAL-la matçını izləmək üçün ölkəmizə gələcək.

Qeyd edək ki, AZAL - “Qarabağ” oyunu sentyabrın 13-də keçiriləcək.

“Qarabağ”la “Sent-Etyen” arasındakı ilk qarşılaşma isə sentyabrın 18-də Bakıda olacaq.