Milanov millimiz üzərində qələbədən danışdı: “Bolqarıstan üçün oynayırdıq"

"Biz meydanda 100 faiz gücümüzü qoyduq və sonadək mübarizə apardıq. Çünki Bolqarıstan üçün oynayırdıq". Futbolxeber.az-ın Qol.az-a istinadən verdiyi məlumata görə, bu sözləri Bolqarıstan yığmasının futbolçusu Georgi Milanov Avro-2016-nın seçmə mərhələsinin millimizlə oyunundan sonra deyib.

Ölkəsinin mətbuatına danışan təcrübəli futbolçu digər komandaların Bakıda problem yaşayacağını iddia edib: "Bu oyun bizim üçün çox vacib idi. Seçmə mərhələyə qələbə ilə başlamaq hər zaman önəmlidir. Düşünürəm ki, İtaliya, Xorvatiya və Norveç yığmaları Bakıda problemlə üzləşəcəklər. Ümid edirəm ki, Xorvatiya ilə ev oyunumuzda bütün stadion azarkeşlə dolacaq. Daha da irəliləmək lazımdır".

Qeyd edək ki, Azərbaycan - Bolqarıstan oyunu 1:2 hesabı ilə qonaqların xeyrinə başa çatıb.