Bernhard Lippert: “Daha böyükhesabla qələbə qazanmağımız ədalətli olardı”

“Bu oyuna təzyiq altında çıxdıq. Çünki ilk oyunda rəqibə böyükhesabla uduzmuşduq. Etiraf edim ki, bu, karyeramdakı ən biabırçı məğlubiyyət idi”. Futbolxeber.az-ın məlumatına görə, bu sözləri İsraillə oyundan sonra 21 yaşadək futbolçulardan ibarət milli komandamızın baş məşqçisi Bernhard Lippert deyib.

Alman mütəxəssisin fikrincə, hesab arasındakı fərq daha böyük olmalıydı: “Müdafiədə etibarlı oynadıq, eləcə də rəqibi əks hücumda cəzalandırdıq. Təbii ki, qələbə qazandığımız üçün çox şadam. Amma hesab arasındakı fərq daha böyük ola bilərdi. Xeyli qol vəziyyəti yaratsaq da, bundan faydalana bilmədik”.