İsrail millisinin baş məşqçisi: “Azərbaycandan belə oyun gözləmirdik”

“Azərbaycan millisi bu gün yaxşı oynadı. İlk oyunla müqayisədə bu gün onlar əla təsir bağışladılar”. Fuitbolxeber.az-ın məlumatına görə, bu sözləri millimizlə oyundan sonra İsrailin 21 yaşadək futbolçulardan ibarət yığma komandasının baş məşqçisi Mixael Nees deyib.

Alman məşqçi komandasının bir qədər oyuna arxayın çıxdığını bildirib: “Azərbaycan millisi əvvəlki oyunlarda belə çıxış etmirdi. Amma bu dəfə fərqli oyun sərgilədilər. Ola bilər, komandam bir qədər arxayın idi. Lakin biz Azərbaycandan belə oyun gözləmirdik. Hər iki komanda bir-birini çox yaxşı tanyırdı”.

Nees millimizin heyətində 2 futbolçunun çıxışını qeyd edib: “Azərbaycan millisinin heyətində “9” (Ağabala Ramazanov) və “10” (Abdulla Abatsiyev) nömrəli futbolçuları fərqləndirərdim”.