Bışovets: “İnanmıram ki, Kapello Azərbaycanla oyunda...”

Məşhur rusiyalı mütəxəssis Anatoli Bışovets bu gün keçiriləcək Rusiya - Azərbaycan oyunu haqda danışıb. Futbolxeber.az-ın məlumatına görə, təcrübəli məşqçi Fabio Kapellonun əvvəlki oyunlarla müqayisədə bu gün heyətdə ciddi dəyişiklik etməyəcəyini bildirib: “Millinin heyəti hazırda Kapelloya həm Azərbaycanla oyun eksperiment etməyə, həm də Lixtenşteyni məğlub etməyə imkan verir. Məncə, qələbə ilə yanaşı yeni futbolçuları da sınamaq olar. Çünki gələcəyə də baxmaq lazımdır. Bu cür oyunlarda futbolçuları daha yaxından tanımaq mümkündür. Amma mən inanmıram ki, Kapello Azərbaycanla oyunda heyətdə ciddi dəyişiklik etsin. Böyük ehtimalla, o, əsasən mundialda güvəndiyi futbolçulara şans verəcək”.