“Simurq” Gürcüstan klubu ilə qarşılaşa bilər

Dünən mövsümdə ilk yenilgisini alan “Simurq” “Neftçi” ilə oyundan sonra istirahətə çəkilib. Bu haqda Futbolxeber.az saytına Zaqatala klubunun mətbuat xidmətinin rəhbəri Rüstəm Allahverdiyev məlumat verib. Klub rəsmisi qeyd edib ki, 3 günlük istirahətdən sonra komanda üzvləri bir araya gələcək. Çempionatda yaranan fasilə ilə əlaqədar olaraq “Simurq” yoxlama oyununda qüvvəsini sınayacaq. Lakin hələlik rəqibin adı bəlli deyil. Komandanın hazırlıq planı da elə rəqibdən asılıdır.

“Simurq” Gürcüstan klublarından birini sınağa çəkmək istəyir. Plan baş tutsa, oyun Zaqatalada keçiriləcək və komanda istirahət müddətində məhz doğma məkanda hazırlıq keçəcək. Bu plan alınmasa və “Simurq” yerli klublardan biri ilə qarşılaşmalı olsa, o zaman görüş Bakıda baş tutacaq və komanda hazırlığını paytaxtda keçəcək.