“Neftçi”yə heç nədən uduzduq”

“Neftçi”yə qarşı yaxşı oynadıq. Xeyli qol epizodu yaratsaq da, onlardan yararlana bilmədik”. Futbolxeber.az saytına verdiyi açıqlamada bu sözləri “Simurq”un üzvü Rəşad Eyyubov deyib.

Gənc futbolçu oyun ərzində qaçırdığı epizodlara belə münasibət bildirib: “Həqiqətən də şanslarım oldu. Əlimdən gələni etdim ki, fərqlənim. Amma heç cür qol vura bilmədim. Təbii ki, buna görə çox məyusam”.

Eyyubov oyun zamanı rəqib futbolçu Araz Abdullayevlə aralarında yaranan mübahisə haqda sualı belə cavablandırıb: “Aramızda heç bir problem yoxdur. Mən Arazı çoxdan tanıyıram”.

“Simurq”un futbolçusu “Neftçi”yə məğlubiyyətdən sonra komandada psixoloji gərginlik yaranacağına inanmır: “Yox, bu məğlubiyyətə görə komandada psixoloji gərginlik yarana bilməz. Çünki biz bu gün rəqibdən heç də zəif oynamadıq. Heç nədən uduzduq. Hər kəs gördü ki, “Neftçi”ni məğlub belə edə bilərdik”.