“Neftçi” - “Xəzər Lənkəran” oyunu harada keçiriləcək?

Azərbaycan Premyer Liqasının beşinci turu çərçivəsində “Neftçi” öz meydanında “Xəzər Lənkəran”ı sınağa çəkəcək. Futbolxeber.az-ın məlumatına görə, hələlik sentyabrın 13-də keçiriləcək qarşılaşmanın məkanı bəlli deyil.

“Neftçi”nin ev oyunlarını keçirdiyi “Bakcell Arena” hazırda təmirə bağlıdı. Bu səbəbdən də komanda dünən “Simurq”u İsmət Qayıbov adına Bakıxanov qəsəbə stadionunda qəbul etdi. Lakin “Bakcell Arena”nın təmiri sentyabrın 9-na kimi baş çatmalıdır. Əgər, Azərbaycan - Bolqarıstan oyunundan sonra qazonun durumu normal olsa, “Neftçi” “Xəzər Lənkəran”ı “Bakcell Arena”da, əks halda isə İsmət Qayıbov adına stadionda qəbul edəcək.