“Xəzər Lənkəran” “Böyük oyun”a paytaxtda hazırlaşacaq

“İnter”lə oyunda cari mövsümdə ilk qələbəsini qazanan “Xəzər Lənkəran” hazırda istirahətdədir. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib: “İnter”lə oyundan sonra komandaya istirahət verilib. Çempionatda bu turdan sonra qısa fasilə yaranır. Bu səbəbdən də komandamız məşqləri sentyabrın 2-də bərpa edəcək. Həmin günü “Xəzər Lənkəran” Bakıda bir araya gələcək və qarşıdakı “Neftçi” ilə oyuna da məhz paytaxtda hazırlaşacaq”.

Xatırladaq ki, Azərbaycan Premyer Liqasının beşinci turu çərçivəsində keçiriləcək “Neftçi” - “Xəzər Lənkəran” matçı sentyabrın 13-də baş tutacaq.