Ölkə futbolu
Ruhun şad olsun, Eldəniz! YAZI
Bu gün “Qəbələ”nin sabiq futbolçusu və məşqçisi, mərhum Eldəniz Süleymanovun ad günüdü. Yaşasaydı, 39 yaşı tamam olacaqdı. Amma amansız əcəl onu aramızdan çox erkən apardı. Həyatdan gözlədiyi çox şey var idi. Futbolçu kimi qazana bilmədiyi uğurları məşqçi kimi qazanmaq arzusundaydı Eldəniz. Futbolçu kimi qazana bilmədiyi uğurlara yolunu davam etdirən oğlunun nail olacağına ümid edirdi Eldəniz. Əcəl imkan vermədi.
ƏN BÖYÜK UĞURLARINI “KƏPƏZ”DƏ QAZANIB
Eldəniz Nizami oğlu Süleymanov 1975-ci ilin 29 avqustunda Naxçıvanda anadan olub. Mərkəz müdafiəçisi mövqeyində oynamış Eldəniz, karyerasına “Azəri”də başlayıb. 1992-1994-cü illər aralığında paytaxt klubunda 36 oyuna çıxıb və 1 qol vurub. Daha sonra Rusiyaya üz tutub və burada “Arsenal” (Tula), “Stroitel” (Ufa) və “Jemçujina” (Soçi) klublarının şərəfini qoruyub. 1999-cu ildə vətənə qayıdaraq, “Kəpəz”lə anlaşıb. Karyerası ərzindəki əsas mükafatları da elə Gəncə klubunda qazanıb. 11 oyunda şərəfini qoruduğu “Kəpəz”lə 2000-ci ildə həm Azərbaycan kubokunu başı üzərinə qaldırıb, həm də ölkə çempionatının gümüş medalına sahib çıxıb. 2000/01 və 2001/02 mövsümlərini doğma Naxçıvanı təmsil edən “Araz”da (22 oyun), 2004/05 mövsümünü isə “Ədliyyə”də (12 oyun) keçirdikdən sonra 2005-ci ildə yeni yaradılmış və I divizionda mübarizə aparan “Gilan”a üz tutub. Hazırkı “Qəbələ”nin sələfi olan Xanlar (indiki Göygöl-red.) təmsilçisində I divizionun çempionu olub. Növbəti mövsümlərdə də elə bu klubda çıxış etdikdən sonra 2008-ci ildə futbolçu karyerasını başa vurub. Son mövsümündə “Qəbələ”nin heyətində 5 oyunda meydana çıxıb.
Karyerasını başa vurduqdan sonra “Qəbələ”nin aşağı yaş qruplarında məşqçi kimi faəliyyətə başlayan mərhum, son olaraq bu klubun U-17 komandasında çalışıb.
SON OYUNU
Eldəniz 2012-ci il noyabrın 5-də dünyasını dəyişib. Həmin gün 17 yaşlıların çempionatında “Qəbələ” səfərdə “Bakı”nın qonağı idi. Qarşılaşmanın təxminən 35-ci dəqiqəsindən Süleymanov özünü narahat hiss etdiyini söyləyib və ürəyi gedib. Dərhal Respublika Xəstəxanasına çatdırılsa da, həkimlərin səyinə baxmayaraq həyatını xilas etmək mümkün olmayıb. Mərhum Naxçıvanda dəfn olunub.
“QARDAŞ, MƏNDƏN KEÇİB ARTIQ”
Eldəniz Süleymanovla 2006-cı ildə tanış olmuşuq. Qismət Eldənizlə dostluğumuzun daha uzun müddətli olmasına imkan vrmədi. Yaddaşımda onunla bağlı xeyli xatirə var. Amma ilk görüşümüz zamanı milli komanda barədə düşən söhbət heç vaxt yadımdan çıxmaz. Qarşımdakına heç vaxt düzgün yaş verə bilməmişəm. Eldəniz də yaşından gənc görünürdü. Milli komanda barədə danışarkən, yaşı 30-dan çox olmasına baxmayaraq, ona “inşallah, gələcəkdə oynayarsan” dedim. Eldəniz isə gülərək, “qardaş, məndən artıq keçib” dedi. “Bir oğlum var, böyüsün futbolçu olacaq. İnşallah, o millidə oynayar” - deyə, əlavə etdi.
OĞLU YOLUNU DAVAM ETDİRİR
Eldənizin də dediyi kimi, oğlu Emil yolunu davam etdirir. Hazırda 11 yaşı var. Elə “Qəbələ”nin akademiyasında futbolun sirlərinə yiyələnir. 2004-cü il təvəllüdlü olmasına baxmayaraq, son mövsümdə U-11 liqasında Qəbələdə keçirən zona yarışlarının bombardiri olub. Məşqçiləri də ondan razılıq edirlər. Hər kəs Emilin gələcəkdə tanınmış futbolçu olacağına şübhə etmir.
“ONUNLA DOSTLUĞUMUZ SONDA QOHUMLUĞA GƏTİRİB ÇIXARDI”
Eldənizlə “Turan”ın sabiq futbolçusu Etimad Qurbanov yeznə-qayın idilər. Etimad Qurbanov Eldənizi belə xatırlayır: “Eldənizlə bir-birimizi çoxdan tanıyırdıq. Münasibətlərimiz çox yaxşı idi. Sonra qismət elə gətirdi ki, onunla qohum olduq. Onun ölümü hər kəs kimi mənim üçün də gözlənilməz oldu. Çox erkən getdi həyatdan. Halbuki görüləsi çox işi var idi. 2 yadigarı var. Böyük oğlunun 11 yaşı var, o da futbolçudur. Atasının, dayısının yolunu davam etdirir. İnanıram ki, o bizdən də yaxşı futbolçu olacaq. Elə indi də məşqçiləri bacarığının olduğunu deyirlər. İkinci balası 2 yaş yarımlığdı. Ailəsi Qəbələdə yaşayır. Anam da onlarla birgədi. Biz əlimizdən nə gəlirsə edirik, üzərimizə düşəni yerinə yetiririk. Amma atanın yerini heç nə verə bilməz. Dolanışıqları normaldı. Sağ olsun “Qəbələ” rəhbərliyi, köməklik göstərirlər. Sizin vasitənizlə onlara təşəkkürümü bildirirəm”.
ELDƏNİZİN TOYUNU RASİM ƏLİYEV İDARƏ EDİB
Eldənizin toyunu uzun illər “Turan”da çalışmış Rasim Əliyev idarə edib: “Eldənizlə sadəcə salam-əleykim olub. Xüsusi münasibətimiz olmayıb. Bilirəm ki, futbolçu Etimad Qurbanovla yaxın dost olublar. Hər ikisi Bakıda, futbol məktəbində oxuyublar, oradan da dostlaşıblar. Bundan sonra da bu isti dostluq münasibəti qohumluğa çevrilib. Eldəniz Etimadın bacısı ilə evləndi. Mən də həmin toyda aparıcılıq eləmişəm. Etimad mənim həm dostum, həm də qonşumdur”.
“DOSTLARINDAN HEÇ KİM BİZİ YAD ELƏMİR”
“Qəbələ” rəhbərliyi Eldənizin ailəsinə mütəmadi olaraq yardım etsə də, dostları vəfasız çıxıblar. Hər halda, bunu mərhumun qaynanası deyir. O, heç kimdən heç nə ummadıqlarını bildirir: “Klub rəhbərliyi sağ olsun, bizi unutmayıb. Tez-tez köməklik göstərirlər. İndi dolanmaq asan deyil. Əvvəl kirayədə qalırdıq. Amma sonra Eldənizin Bakıdakı evini satdıq. Etimad da kömək elədi, Qəbələdən ev aldıq. Dostlarından heç kim onu yad eləmir. Bizim heç kimdən umacağımız yoxdu. Yolda, küçədə görəndə hal-əhval tuturlar. Amma desəm ki, hansısa keçmiş dostu tez-tez yad edir, maraqlanır, yalan olar. Dediyim kimi yalnız klub rəhbərliyi yad eliyir. Sizə də təşəkkür edirəm ki, ad gününü unutmamısız”.
“ELDƏNİZ ƏLİNİ UZADIB, HƏMİN FUTBOLÇUNU KANALİZASİYA QAPAĞINDAN ÇIXARDI”
Vaxtı ilə Eldənizlə birgə “Gilan”da oynayan Azər Haşımov da mərhumu çox yaxşı xatırlayır: “Eldəniz Süleymanovla ilk dəfə 2005-ci ildə tanış olmuşam. O vaxt Faiq Cabbarov məni komandaya dəvət etmişdi. Eldəniz də oradaydı. Neçə il Eldənizlə çiyin-çiyinə oynadıq. Çox səmimi insan idi. Böyüknən böyük, kiçiknən kiçik olurdu. Heç kim ondan narazılıq etmirdi. Hörmətcil idi. Xeyli müddət bir evdə qalmışıq. Aramızda bir dəfə də hansısa söz-söhbət olmamışdı. Yadımda çox maraqlı hadisələr qalıb. Bir dəfə Gəncədə gəzirdik. Yanımızda bir gənc futbolçu da vardı. Adını çəkmirəm. Cavan idi, Eldəniz də gəzə-gəzə ona öz məsləhətlərini verirdi, fikirlərini deyirdi. Birdən baxdıq ki, həmin adam yanımızda yoxdu. Arxaya boylananda gördük ki, düşüb kanalizasiya qapağına. Eldəniz qolundan tutub, onu ordan çıxardı. Həmin hadisə həmişə yadımıza düşəndə gülürdük...Allah Eldənizə rəhmət eləsin. Çox yaxşı insan idi”.
“HƏKİM DEDİ Kİ, QURTULMAQ ŞANSI 3 FAİZDİ”
Bayaqdan fikirlərini öyrəndiyimiz şəxslərin hər biri Eldənizin yaxınları, əzizləri olub. Amma bir şəxs var ki, iş prosesində Eldənizə hamıdan yaxın idi. Söhbət “Qəbələ” Futbol Akademiyasının direktor müavini Nail Kərimovdan gedir. Söhbətimizə ilk öncə Eldənizin ölüm səbəbindən başladıq: “Təəssüf ki, həmin anda mən stadionda deyildim. Amma sonradan bu məsələni araşdırdım. Özlüyümdə narahat idim. Düşünürdüm ki, bəlkə də mən orda olsaydım, onu başqa xəstəxanaya aparsaydım, hər şey fərqli ola bilərdi... Dediyim kimi, bu məsələni araşdırdım. Eldənizin yaxın qohumu var, Türkiyədə təhsil alıb, çox savadlı həkimdi. Hətta bu gün Azərbaycanda ən güclü kardioloqdalardan biridir. O bildirdi ki, bu cür hallarda insanın xilas olma ehtimalı 3 faizə bərabərdi. 40 yaşına kimi insanların bu cür hallarda həyatını xilas etmək çox nadir hallarda mümkün olur”.
“ELDƏNİZ HEÇ NƏDƏN ŞİKAYƏT ETMİRDİ”
“Daha əvvəl ürəyindən şikayət etmişdimi” sualını Nail Kərimov belə cavablandırdı: “Eldəniz elə bir insan idi ki, ümumiyyətə heç nədən şikayət etmirdi. Hər birimiz həyatda nədənsə şikayətlənirik. Biri deyir hava istidi, digəri yoldan narazılıq edir. Amma bu neçə illə ərzində eşitmədik ki, Eldəniz desin, “bu şey niyə belə oldu”. Düzdür, mən görməmişəm, amma sonradan öyrəndim ki son 10 gündə siqaret çəkərkən baş ağrılarından şikayətlənib. Bir də hələ futbolçu olarkən ürəyində nəsə problem olub, amma bunu həkimlərdən gizlədib. Vaxtı ilə onunla birgə oynamış Kamran Əlibabayev bunu mənə deyib. Özü də Eldəniz deyib ki, birdən həkimlər futbol oynamağıma icazə verməz. Ona görə də həkimlərə deməyə qorxub”.
“ONU HAMI TANIYIRDI”
N.Kərimov sözünə belə davam edir: “Bizim Eldənizi yaddan çıxarmağımız qeyri-mümkündü. Hər dəfə uşaqlarının ad günü olanda çalışırıq, onları təbrik edək. Bunu vəzifə borcu olaraq etmirik, dostumuzun, qardaşımızın balalarıdır. Eldəniz 1 dəqiqə olsun belə yaddan çıxmır. Oğlu da yolunu davam etdirir. Biz də onun daha da irəli getməsi üçün nə lazımdısa, edəcəyik.
Eldənizlə keçirdiyimiz günləri unuda bilmərik. Həmişə deyirdik ki, onu hamı tanıyır. Nəinki Azərbaycanda, hətta xaricdə də Eldənizi tanıyırdılar. Hara gedirdik, tanışı çıxırdı. Bir də görürsən hava limanında növbədə dayanmışıq. Birdən deyirdilər ki, “Qəbələ” klubu bu tərəfdən keçsin. Məlum olurdu ki, kimsə Eldənizin qohumu, ya tanışı çıxıb. O qədər dostu, tanışı var idi ki...Klub olaraq hansısa uşağı komandaya cəlb etmək istəyəndə, işimiz çətinə düşən kimi üz tuturduq Eldənizə. O, tanışlıq, dostluq, ya da şirin dili sayəsində qarşı tərəfi yola gətirirdi. Nə məlumat lazım olurdu, ondan, ya da onun vasitəsi ilə öyrənirdik. “Qəbələ”nin akademiyasına gələn bir neçə məşqçinin də yolunu elə Eldəniz açıb. Özü də seçimlərində heç vaxt yanılmırdı. Məşqçi kimi də, insan kimi də, iş yoldaşı kimi də ondan çox razıydıq”.
YETİRMƏLƏRİ KUBOKU MƏZARI ÜSTÜNƏ APARDILAR
Eldənizin ölümündən sonra onun çalışdırdığı “Qəbələ”nin U-17 komandası çempion oldu. Ölümünün 1 ili tamam olanda isə yetirmələri kuboku məzarına üstünə aparıblar. Bunu da Nail Kərimov dedi: “Uşaqlar onu çox istəyirdilər. Komanda çempion olduqdan sonra, ötən ilin noyabrında, ölümünün il dönünümdə kubokla birgə Eldənizin məzarını yollandılar. Bəlkə də başqası olsaydı, deyərdi ki Qəbələdən Naxçıvana kimdi gedən. Amma oyunçuları böyük həvəslə ora yollandılar. Hətta mövsüm başa çatdıqdan sonra komandadan ayrılan 1-2 futbolçu yaddan çıxmışdı. Gedənə yaxın onlar da bizə müraciət edərək, Naxçıvana getmək istədiklərini bildirdilər. Bu gün də söz Eldənizdən düşəndə futbolçuların gözləri dolur. Onun ölümü hər birimiz üçün şok idi. Hətta deyərdim ki, bu, mənim həyatımda aldığım ən böyük zərbələrdən biridir”.
SON SÖZ
Allah sənə rəhmət eləsin, Eldəniz. Gözün arxada qalmasın, oğlun yolunu davam etdirir. Vaxt gələcək, sənin ürəyində qalan arzularını Emil yerinə yetirəcək. Ruhun şad olsun.
Hazırladı: İBRAHİM
ZA
|
ŞƏRH YAZ
|
Çox oxunan xəbərlər
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
-
14:30
Dünya Olimpiya Təsnifat Turnirində iştirak edəcək Azərbaycan güləşçiləri müəyyənləşib
-
14:17
Azərbaycanlı mütəxəssis Avropa Gimnastikasının İtaliyadakı tədbirində iştirak edib
-
13:54
"Bizi pley-offda çətin oyun gözləyir"
-
13:48
Tahir Baxşıyev: "Qarşıya qoyulan minimum məqsədə çatdıq"
-
13:26
“Şəki” iki legionerlə vidalaşıb
-
12:51
Bakıdakı Avropa Kubokunda iştirak edəcək Azərbaycan gimnastları bəlli olub
-
12:33
Olimpiadaya lisenziya qazanan Azərbaycan avarçəkəni: "Bu, əziyyətin, çox çalışmağın nəticəsidir"
-
12:19
Basketbol üzrə Azərbaycan çempionatında pley-off oyunlarının tarixi məlum olub
-
12:05
Azərbaycan taekvondoçuları Prezident Kubokunu 12 medalla başa vurublar
-
11:52
Azərbaycan nümayəndə heyəti Dünya Badminton Federasiyasının illik toplantısına qatılıb
-
11:33
Azərbaycan atletləri Türkiyədə növbəti medalları qazanıblar
-
11:24
Millimizin heyətində daha bir dəyişiklik
-
11:17
"Sumqayıt" "Qarabağ"ın 30 oyunluq seriyasına son qoydu
-
11:06
"Səbail" üçün yubiley
-
10:48
İdarəçilikdəki islahatlar “Göztəpə”ni Superliqaya daşıdı
-
10:30
Murad Xaçayev: "Biz sadəcə 5 döyüşdən birini udmuşuq"
-
10:19
Azərbaycan Premyer Liqasında yeni azarkeş rekordu qeydə alınıb
-
10:05
Şəhriyar Məmmədyarov Bundesliqanın qalibi olub
-
09:52
"Qarabağ" liderliyini möhkəmləndirib
-
09:41
Azərbaycanın iki gimnastı Serbiyada beş medal qazanıb
-
23:24
Qurban Qurbanov: "Qol epizodlarından istifadə edə bilmiriksə...”
-
23:11
“Sumqayıt”ın məşqçisi: “Geriyə yox yoxdur”
-
23:00
"Sumqayıt" "Qarabağ"a belə qalib gəldi VİDEO
-
21:56
"Neftçi" və "Sumqayıt"dan qələbə
-
21:42
Şeydayevin komandasından əzmkar qələbə
-
21:05
"Neftçi"dən "Turan Tovuz"a 3 cavabsız qol VİDEO
-
20:19
Bojoviçdən qələbə şərhi: “Qolları vaxtında vurduq”
-
20:05
Ayxan Abbasov: "Qırmızı vərəqə matçın taleyini həll etdi"
-
18:18
Sxadadze: "Azarkeşlərdən üzr istəyirəm"
-
17:53
Adil Şükürov: “Həm insanları tanıdım, həm də işimi təkmilləşdirdim”
-
17:44
Emin Mahmudov niyə oynamır?
-
15:57
Millimiz Tacikistana qalib gəldi
-
15:46
“Sumqayıt”dan azarkeşlərinə müraciət
-
14:11
"Kəpəz"in üç futbolçusu "Qəbələ"yə qarşı oynamayacaq
-
13:38
Azərbaycan idmançısı Paris-2024-ə vəsiqə qazandı
-
12:05
“Səbail”in müdafiəçisi: “Son 4 tur bizim üçün finala bərabərdir”
-
11:54
"Bayer" yenə 90+6-da məğlubiyyətdən qaçdı VİDEO
-
11:40
"Atletiko" "Atletik"ə qalib gəldi VİDEO
-
11:29
"Latsio"dan minimal hesablı qələbə VİDEO
-
11:17
Karate üzrə açıq turnir keçirilib
-
11:02
"Yuventus" - "Milan" matçında heç-heçə VİDEO
-
10:53
Azərbaycanın stolüstü tennisçisi Fransada beynəlxalq turnirin qalibi olub
-
10:38
"Borussiya" darmadağın oldu VİDEO
-
10:26
“Forza Neftçi” qayıdır: Çağırışa müsbət cavab verildi
-
10:11
Keyn "Bavariya"ya qələbə qazandırdı VİDEO
-
10:04
Elcan Hacıyev: “Avropa çempionu olmaq xəyalım idi”
-
09:45
Derbini "Fənərbaxça" qazandı VİDEO
-
23:25
"Neftçi" azarkeşlərinə çağırış etdi
-
23:08
Renat Dadaşov "Başakşehir"ə qol vurdu
-
21:16
Samir Abasov Xavi ilə görüşdü