Böyükağa Hacıyev: “İstefa haqda söhbət belə gedə bilməz”

“Yenilgiyə görə azarkeşlərdən üzr istəyirəm. Hamı bu gün bizdən qələbə gözləyirdi”. Futbolxeber.az-ın məlumatına görə, bu sözləri “Partizan”la oyundan sonra “Neftçi”nin baş məşqçisi Böyükağa Hacıyev deyib.

Hacıyev Bertuççini meydana buraxmaqla səhvə yol verdiyini etiraf edib: “İstefa haqda söhbət belə gedə bilməz. Play-offa kimi gəlməyimiz heç də pis nəticə deyil. Bu oyun bizim üçün “olum, ya ölüm” idi. Odur ki, müdafiə olunmaq barədə düşünmürdük. Bertuççinin meydana daxil olması səhvim idi. O iddialı olsa da, vaxtı ilə Braziliyanın gənclər millisində oynayıb və həmin ab-hava burnunda qalıb. Flavinyo avrokuboklarda heç vaxt ümidimi doğrultmayıb”.