Nikoliç: “Qazon hər iki komandaya çətinlik yaradırdı”

“İlk növbədə qonaqpərvərliyə görə Azərbaycan xalqına minnətdaram. O ki qaldı oyuna, “Neftçi” bu gün əzmkar oyun sərgilədi. Bu cür isti hava şəraitində göstərdikləri oyuna görə komandama minnətdaram”. Futbolxeber.az-ın məlumatına görə, bu sözləri “Neftçi” ilə oyundan sonra “Partizan”ın baş məşqçisi Marko Nikoliç deyib.

Nikoliç “Neftçi”nin zəif olmadığını bildirib: “Rəqib heç də zəif deyildi. Bu cür qazonda oynamaq hər iki komanda üçün çətin idi. Meydançanın durumu yaxşı olsaydı, hər iki komanda başqa cür oyun sərgiləyərdi. “Neftçi” Belqrada 2 gün əvvəldən gəlib, yerli mühitə öyrəşmişdi. Amma saat fərqi və digər amillər bizə çətinlik yaradırdı. Bununla belə qalib gəldiyimiz üçün çox şadam. Hesab 1:0 olanda Saşa İliçi meydana oyunu canlandırmaq üçün buraxdıq”.