“İnter” Lənkərana 20 futbolçuyla yollandı

Sabah Azərbaycan Premyer Liqasının dörcüncü turu çərçivəsində “Xəzər Lənkəran”ın qonağı olacaq “İnter” bu gün Lənkərana yola düşüb. Bu haqda Futbolxeber.az saytına “İnter”in mətbuat xidmətinin rəhbəri Səbuhi Məmmədov məlumat verib. Klub rəsmisi qeyd edib ki, “bankirlər” paytaxtı səhər saat 10-da tərk ediblər. Komanda səfərə 20 futbolçu ilə yollanıb. Bu gün saat 20:00-da “İnter” matçın keçiriləcəyi Lənkəran şəhər stadionunda oyunöncəsi son məşqə çıxacaq.