Mais Mənsimov Oğuz Çətinin “Xəzər Lənkəran”dakı gələcək taleyinə aydınlıq gətirdi

“Xəzər Lənkəran” rəhbərliyi baş məşqçi Oğuz Çətinin işindən narazı deyil və türkiyəli mütəxəssis komandadakı fəaliyyətini davam etdirəcək”. Futbolxeber.az saytına verdiyi açıqlamada bu sözləri “Xəzər Lənkəran”ın mətbuat xidmətinin rəhbəri Hüseyn Cəbrayıloğlu deyib.

Klub rəsmisi qeyd edib ki, “Xəzər Lənkəran”ın prezidenti Mais Mənsimov bu gün futbolçularla görüşündə Oğuz Çətinin klubdakı gələcək taleyi ilə bağlı yayılan xəbərlərə son qoyub: “Klub prezidenti qeyd etdi ki, Oğuz Çətin hələ uzun müddət postunda qalacaq. Onun işi rəhbərliyi qane edir. Odur ki, Oğuz Çətinin istefasından söhbət gedə bilməz. Mais Mənsimov görüş zamanı həm futbolçulara, həm də baş məşqçiyə inandığını vurğuladı və onlara qarşıdakı oyunda uğurlar arzuladı”.