Mais Mənsimovdan futbolçulara xəbərdarlıq: “Bu, çox bərbad nəticədir”

Bu gün “Xəzər Lənkəran”ın prezidenti Mais Mənsimov komanda üzvləri ilə görüşüb. Bu haqda Futbolxeber.az saytına “Xəzər Lənkəran”ın mətbuat xidmətinin rəhbəri Hüseyn Cəbrayıloğlu məlumat verib.

H.Cəbrayıloğlu qeyd edib ki, görüş zamanı klub preziedenti Mais Mənsimov futbolçulara hazırkı durumdan narazı olduğunu bildirib. Onların hər bir istəklərini yerinə yetirdiklərini qeyd edən M.Mənsimov qarşılığında istədikləri nəticəni alam bilmədiklərini söyləyib. Komanda üzvlərinə sonuncu dəfə xəbərdarlıq edən Mais Mənsimov fikrini belə tamamlayıb: “Mütləq dönüş yaratmalısınız. Bizim sizdən istəyimiz odur ki, “Xəzər Lənkəran”ın adına layiq çıxış edin. Cari mövsümün əvvəlində komanda heyətini xeyli gücləndirdi. Amma 3 turdan sonra cəmi 1 xal toplamısız ki, bu, çox bərbad nəticədir. Biz gələcəkdə də komandanın uğuru üçün əlimizdən gələni edəcəyik. Yetər ki, siz üzərinizə düşəni edin”.