UEFA açıqladı: ən yaxşı nəticə “Neftçi”yə məxsusdu, yalnız “Xəzər Lənkəran” irəlilədi

UEFA qitə klublarının növbəti reytinq cədvəlini açıqlayıb. Futbolxeber.az-ın məlumatına görə, 454 klubun yer aldığı siyahıda Azərbaycanın 7 təmsilçisi yer alıb.

Əvvəlki kimi ən yaxşı nəticə “Neftçi”yə məxsusdur. “Ağ-qaralar” ötən ayla müqayisədə bir pillə geriləyərək, 191-cidir. “Qarabağ” və “İnter” 1 ay əvvəl olduğu kimi yenə də müvafiq olaraq 220 və 266-cı yeri tuturlar.

“Xəzər Lənləran” son 1 ayda irəliləyən yeganə Azərbaycan klubudur. Hazırda cənublular sıralamda 300-cü yeri tutur. “Bakı” nın da mövqeyində heç bir dəyişiklik baş verməyib (345-ci yer). Son 1 ayda “Qəbələ” 3, AZAL isə 1 pillə geriləyib. Qəbələ təmsilçisi hazırda 373-cü, “təyyarəçilər” isə 374-cüdür.