"Neftçi" şərt qoydu: "Partizan"la oyuna 5 və ya daha bilet almaq istəyən azarkeş...

UEFA Avropa Liqasının play-off mərhələsi çərçivəsində keçiriləcək "Neftçi" - "Partizan" matçına bilet satışı bu gün səhər saatlarından etibarən bərpa edilib. Futbolxeber.az-ın məlumatına görə, azarkeşlər biletləri oyunun keçiriləcəyi Tofiq Bəhramov adına Respublika stadionunun və eyni zamanda "Bakcell Arena"nın kassalarından ala bilərlər. Stadionun 80%-ni təşkil edən sektorlara biletlərin qiyməti 1 manatdır. Mərkəzi sektorlara olan biletlərin qiyməti 2-10 manat arasında dəyişir. VİP bölmələrə biletlərin qiyməti 50 manatdır.

Qeyd edək ki, bir azarkeş 5 və ya daha artıq sayda bilet aldıqda şəxsiyyət vəsiqəsinin əslini və surətini kassaya təqdim etməlidir