“Xəzər Lənkəran” rəsmisi: “İnter” hələ ki bizə müraciət etməyib”

“Nildonun “İnter”ə keçəcəyi haqda xəbərləri mətbuatdan mən də oxumuşam. Lakin hələ ki onlar bizə rəsmi şəkildə müraciət etməyiblər”. Futbolxeber.az saytına verdiyi açıqlamada bu sözləri “Xəzər Lənkəran”ın mətbuat xidmətinin rəhbəri Hüseyn Cəbrayıloğlu deyib.

Klub rəsmisi qeyd edib ki, Nildonu heyətinə qatmaq istəyən komanda ilk növbədə “Xəzər Lənkəran”la razılığa gəlməlidir: “Komandadan uzaqlaşdırılsa da, Nildo “Xəzər Lənkəran”ın futbolçusudur. Onun transferi üçün bizim klubla ilk növbədə razılıq əldə olunmalıdır. Lakin hələ ki heç bir klubdan rəsmi təklif almamışıq. Nildo ilə “İnter”in daha əvvəl də maraqlandığı deyilirdi. Amma o zaman da bizə rəsmi şəkildə müraciət olunmamışdı”.