Berti Foqts: “Oyundan razı qala bilmərəm”

“Oyundan razı qala bilmərəm. Komandada yorğunluq hiss olunurdu”. Futbolxeber.az-ın məlumatına görə, bu sözləri Özbəkistanla oyundan sonra milli komandamızın baş məşqçisi Berti Foqts deyib.

Alman mütəxəssis futbolçularını tənqid etməyəcəyini bildirib: “Rusiya ilə də yoxlama matçımız var. Bu futbolçuları hələ mətbuatda tənqid etməyəcəyəm. Onların özlərinə səhvlərini başa salmağa çalışacağam. Nazarov bizimlər birgə cəmi 3 məşq keçmişdi. Bununla belə, ona 90 dəqiqə şans verdim. Çünki nəyə qadir olduğunu görmək istəyirdim”.

Foqts millinin start heyətindən yalnız 4 futbolçunun Azərbaycan himnini oxumasına belə münasibət bildirib: “Mən də Almaniya millisində çıxış edəndə himni oxumurdum. Belə çıxır ki, mən pis adamam? Gəlin, vətənpərvərliyimizi, Azərbaycanı sevdiyimizi himnlə göstərməyək”.