Vaqif Cavadov: “Milliyə görə utanmaq lazım deyil”

“Millinin düşərgəsinə gəlmək həmişə xoşdu. Kolllektivin daxilində olmaq, ab-havanı hiss etmək müsbət məqamdı”. Futbolxeber.az saytına verdiyi açıqlamada bu sözləri millinizin aparıcı üzvü Vaqif Cavadov deyib.

Təcrübəli futbolçu millinin oyununa görə utanmadığını bildirib: “İkinci hissədə oyunumuz yaxşı alınmadı. Heyəti baş məşqçi müəyyənləşdirir. Odur ki, kimin meydana çıxmalı olduğunu da o bilir. Milliyə görə utanmaq lazım deyil. Düzdür, yaxşı oynamadıq. Amma pis də olsa, yaxşı da olsa bu, bizim milli komandamızdı. Ad dəyişilmir”.

Cavadov millidə yalnız yerli futbolçuların oynamalı olduğunu qeyd edib: “Mənim fikrimcə, millidə yalnız yerli futbolçular oynamalıdır. Çoxlu legioner lazım deyil. Legioner çağırırlarsa, ikisini çağırsınlar, amma səviyyəli olsun. Biz də onlardan nəsə öyrənək. Qərarı mən yox, baş məşqçi qəbul edir”.