Böyükağa Hacıyev: “Bəzi futbolçulara zəif oynamalarını tapşırmışdım”

“Bakı”nın çempionata buraxılması münasibəti ilə təbrik edirəm. Onlar çox komandaya qarşı başağrısı olacaqlar”. Futbolxeber.az-ın məlumatına görə, bu sözləri “Bakı” ilə oyundan sonra “Neftçi”nin baş məşqçisi Böyükağa Hacıyev deyib.

Təcrübəli mütəxəssis bəzi futbolçulara zəif oynamaları üçün tapşırıq verdiklərini bildirib: “Partizan”ın məşqçisi bugünkü oyunu izləyirdi. Ona görə də bütün kartlarımızı açmadıq. Qələbə qazanacağımızı bilirdik. Bu səbəbdən də Flavinyo, Vobay, Nfor, Araza tapşırmışdım ki, öz səviyyələrindən aşağı oynasınlar. Ola bilər çoxları bu gün bizdən böyükhesablı qələbə gözləyirdi. Amma bizim buna ehtiyacımız yoxdu. Vacib olan 3 xalı qazandıq. Yenə deyirəm, “Bakı”nın cavanlarla oynamasına baxmayın. Onlar hələ çox komandaya başağrısı olacaqlar”.