Mahir Şükürov: əvvəl azarkeşlə görüş, sonra məşq

Milli komandamızın üzvü Mahir Şükürovun çıxış etdiyi Türkiyənin “Karşıyaka” klubu Ərzurumda keçirdiyi təlim-məşq toplanışını başa vuraraq, İzmirə qayıdıb. Futbolxeber.az-ın klubun rəsmi saytına istinadən verdiyi məlumata görə, dünən öz bazasında bir araya gələn komanda üzvlərini azarkeşlər yalnız buraxmayıblar. “Çığlı Selçuk Yaşar Tesisleri”nə yığışan yüzlərlə fanat, öncə futbolçularla salamlaşıb, onlara uğurlar arzulayıb. Yeni transferlər də daxil olmaq komanda üzvlərinin lehinə bir-bir şüarlar səsləndirən “Karşıyaka”lı azarkeşlər, sonda da fişənglərdən, petardalardan istifadə ediblər.