Hafiz Məmmədov: "Bülənt Korkmaz kişi adamdı"

“O açıqlamadan xəbərim var. Elə sizin vasitənizlə də Bülənt bəyə təşəkkür edirəm”. Bu sözləri Stadium.Az-a açıqlamasında “Bakı”nın prezidenti Hafiz Məmmədov klubunun keçmiş baş məşqçisi Bülənt Korkmazın “Bakı”da təmənnasız çalışaram” açıqlamasını şərh edərkən deyib.

“Bülənt Korkmaz çox mərd insandır. Tanıdığım yeganə məşqçidir ki, klubdan gedəndə belə heç bir təzminat istəmədən getdi. Baxmayaraq ki, həmin vaxt klubda bəzi çətinliklər yaşadı, amma indidə gözəl münasibətlərimiz var. Hətta Ramazan bayramında mənə təbrik mesajı da yazmışdı. O, əbəs yerə “böyük kapitan” deyil. Bu adı ona boş yerə verməyiblər ki?! Bülənt Korkmaz kişi adamdı” - deyə, H.Məmmədov əlavə edib.