Kanales: “Neftçi”nin heyəti buna imkan verir”

“Neftçi” mənim üçün doğma klubdur. Burada özümü yeni hesab etmirəm. Karyeramın ən uğurlu dövrünü burada keçirmişəm”. Futbolxeber.az-ın məlumatına görə, bu sözləri yenidən “Neftçi”yə qayıdan Nikolas Kanales deyib.

Klubun rəsmi saytına danışan çilili hücumçu, “ağ-qaralar”la birgə yenidən Avroliqanın qrup mərhələsində oynamaq istədiyini bildirib: “Neftçi”nin heyətində Avropa Liqasının qrup mərhələsində oynamışam. Çempionatda da ən məhsuldar oyunçu olmuşam. Məqsədim odur ki, Avropadakı nailiyyətimizi yenidən təkrarlayaq. Komandanın heyəti də buna imkan verir. “Neftçi”də kifayət qədər güclü futbolçular cəmləşib və inanıram ki, birlikdə biz qarşıya qoyulan vəzifənin öhdəsindən gələcəyik. “Neftçi” azarkeşini çox sevirəm və bilirəm ki, onlar da mənim üçün darıxıb. Çalışacağam ki, vuracağım qollarla onları yenə də sevindirim”.